अध्यापक महाविद्यालयात इ-कचरा जनजागृती व संकलन अभियान

 

वडगाव मावळ दि. २८ (प्रतिनिधी) प्रजासत्ताक दिनाचे औचित्य साधून श्री संत तुकाराम शिक्षण प्रसारक मंडळाचे अध्यापक महाविद्यालय वडगाव मावळ येथे महाविद्यालयातील ग्रीन क्लब अंतर्गत पुर्णम् इकोविजन फाऊंडेशन व पर्यावरण संरक्षण गतिविधी यांच्या द्वारे इ यंत्रण 2025  इ - कचरा जनजागृती व संकलन अभियान 24 ते 26  जानेवारी 2025 दरम्यान घेण्यात आले.

 महाविद्यालयात प्रजासत्ताक दिनानिमित्त 25 जानेवारी 2025 रोजी  महाविद्यालयातील विद्यार्थ्याची वडगाव मध्ये संविधान रॅली काढण्यात आली. या रॅलीद्वारे डीएड कॉलेज ते पोटोबा मंदिर इ - कचरा जनजागृती  बॅनरद्वारे करण्यात आली.  या अभियानात विद्यार्थी, प्राध्यापक व प्राध्यापकेतर कर्मचारी वृंदानी उत्साहाने सहभागी होऊन इ - कचरा संकलन केले. संस्थेचे सचिव अशोकभाऊ बाफना यांनी रॅलीमध्ये सहभागी होऊन विद्यार्थ्यांना मार्गदर्शन केले. 

महाविद्यालयाच्या प्राचार्य डॉ. अनिता धायगुडे  यांनी इ- कचरा संकलनाचे महत्त्व बद्दल मार्गदर्शन केले, तसेच विद्यार्थ्यांना  जास्तीत जास्त इ - कचरा दान करण्याबाबत  आवाहन केले. तसेच अध्यापक ग्रीन क्लबचे विद्यार्थी प्रतिनिधी वीणा विश्वकर्मा, आदित्य बोलडे यांनी स्वयंसेवक म्हणून कार्य केले. महाविद्यालयातील प्रथम वर्ष विद्यार्थिनींनी इ - कचरा जनजागृतीचे  वडगाव बाजारपेठेत प्रत्यक्ष संपर्क करून पत्रक वाटली.

 कार्यक्रमाचे आयोजन ग्रीन क्लबचे समन्वयक  प्रा. सोनाली पाटील व  प्रा. ज्योती रणदिवे यांनी केले. कार्यक्रमास बी.एड महाविद्यालयातील प्रथम व द्वितीय वर्षातील सर्व विद्यार्थी, संस्थेचे सभासद तसेच प्रा. महादेव सांगळे, डॉ कविता तोटे, डॉ. संदीप गाडेकर, डॉ. शीतल देवळलकर,ग्रंथपाल सुजाता जाधव, मोहन कडू, सुरेश घोजगे हे कचरा दानात सहभागी  होते. या स्तुत्य उपक्रमाचे संस्थेचे संस्थापक मदनजी बाफना, अध्यक्ष तुकाराम असवले, उपाध्यक्ष बंडोबा मालपोटे, सचिव अशोक बाफना यांनी कौतुक केले.

डॉ.संदीप गाडेकर 
संपादक
मो.8208185037

महाऑनलाइन न्यूज व्हाट्सअप ग्रुप जॉईन करण्यासाठी खालील लिंक वर क्लिक करा.

https://chat.whatsapp.com/LEEaZyLyEk39uCSMXirqay