सतर्क महाराष्ट्र न्यूज चॕनलच्या मोबाईल ऍप'चे दिमाखात उदघाट्न, संपादक रेखा भेगडे यांच्या वाढदिवसाच्या निमित्ताने विविध क्षेत्रातील मान्यवरांनी उपस्थित राहून दिल्या शुभेच्छा
तळेगाव दाभाडे : दि.२८ (प्रतिनिधी)
अल्पावधित मावळसह संपूर्ण पुणे जिल्ह्यात आपले प्रस्थ वाढविण्यात यशस्वी ठरलेल्या 'सतर्क महाराष्ट्र न्यूज चॅनल'च्या मोबाईल ऍप'चे मोठ्या दिमाखात उदघाट्न झाले. तसेच सतर्क महाराष्ट्र'च्या सर्वेसर्वा, संपादिका रेखा भेगडे यांच्या वाढदिवस अभिष्टचिंतन सोहळ्याला सर्वच क्षेत्रातील मान्यवरांनी उपस्थित राहून शुभेच्छा दिल्या. दरम्यान, उद्योजक रामदास काकडे आणि संस्था कार्यवाह चंद्रकांत शेटे यांनी २१ हजार रुपयांचा धनादेश, तसेच ज्येष्ठ पत्रकार तथा स्वाभिमानी पत्रकार संघाचे संस्थापक अध्यक्ष अमीन खान यांनी ११ हजार रुपये अर्थसहाय्य निधीचा धनादेश सतर्क महाराष्ट्र ऍपच्या प्रमोशनसाठी रेखा भेगडे यांच्याकडे सुपूर्त केला.
सतर्क महाराष्ट्र एॕपचा उदघाटन सोहळा नुकताच इंद्रायणी विद्यामंदिर संस्थेच्या सभागृहात पार पडला. ऍपचे उदघाट्न इंद्रायणी विद्यामंदिर संस्थेचे अध्यक्ष व उद्योजक रामदास काकडे यांच्या हस्ते करण्यात आले. यावेळी माजी राज्यमंत्री संजय उर्फ बाळा भेगडे, इंद्रायणी विद्यामंदिर संस्येचे कार्यवाह चंद्रकांत शेटे, भाजपा किसान मोर्चाचे प्रदेशाध्यक्ष गणेश भेगडे, पुणे पिपल्स बँकेचे संचालक बबनराव भेगडे, माजी उपनगराध्यक्ष गणेश काकडे, निर्मल वारीचे संयोजक संतोष दाभाडे, मनसे माजी तालुकाध्यक्ष रुपेश म्हाळसकर आदी मान्यवर उपस्थित होते.
रामदास काकडे यांनी सतर्क महाराष्ट्र ऍपचे उद्घाटन झाल्याचे जाहीर करीत संपादक रेखा भेगडे यांच्या पत्रकारितेतील प्रवासाचा आढावा घेतला. ते म्हणाले, की रेखा भेगडे यांची कामगिरी कौतुकास्पद आहे. गुणी पत्रकारांसाठी इंद्रायणी संस्थेचे सहकार्य सदैव राहील.
रेखा भेगडे यांचे पत्रकारिकेतेच्या आणि सामाजिक कार्याच्या योगदानावर समाजात वेगळे स्थान निर्माण केले आहे. त्यांचा पत्रकारितेचा आलेख वाढत जाओ, अशा शब्दात माजी राज्यमंत्री बाळा भेगडे यांनी शुभेच्छा दिल्या.
चंद्रकांत शेटे यांनी रेखा भेगडे यांच्या बालपणापासून ते डिजिटल मीडियाच्या वाटचालीपर्यंतच्या आठवणींना उजाळा दिला.
गणेश भेगडे म्हणाले, की पत्रकारांनी निःपक्षपाती काम करणे अपेक्षित आहे. विशेषतः राजकीय बातम्या करताना दोन्ही बाजूंना स्थान दिले पाहिजे.
राष्ट्रवादी काँग्रेस महिलाध्यक्ष प्रिया मोडक, माजी उपसभापती शांताराम कदम, माजी नगरसेवक सचिन टकले, हरिश्चंद्र गडसिंग,माजी नगराध्यक्ष सुरेश धोत्रे,शोभा भेगडे, उद्योजक संग्राम जगताप, स्वामी विवेकानंद इंग्लिश मीडियम स्कूलचे सचिव मिलिंद शेलार, तळेगाव दाभाडे प्रेस फाउंडेशनचे संस्थापक विलास भेगडे, संस्थापक अध्यक्ष अमीन खान, कार्याध्यक्ष काकासाहेब उर्फ जगन्नाथ काळे, रोटरी क्लब ऑफ तळेगाव एमआयडीसीचे अध्यक्ष प्रवीण भोसले, सचिव संदीप मगर, विन्सेंट सालेर, दशरथ जांभूळकर, सचिन कोळवणकर, इंद्रायणी महाविद्यालयाचे प्राचार्य डॉ. संभाजी मलघे, गोरख काकडे, परांजपे शाळेचे मुख्याध्यापक पांडुरंग पोटे, नगरपरिषद माध्यमिक शाळेच्या मुख्याध्यापिका वर्षा काळे-थोरात, वन्यजीव रक्षक मावळ संस्थेचे संस्थापक निलेश गराडे, हिंदविजय पतसंस्थेचे संचालक अनिल वेदपाठक, सामाजिक कार्यकर्त्या शबनम खान, रोटरीयन किरण ओसवाल, तसेच पुणे जिल्हातील पत्रकार, राजकीय, सामाजिक, सांप्रदायिक, शैक्षणिक, सांस्कृतिक, योग, क्रीडा क्षेत्रातील मान्यवर, पुणे जिल्ह्यातील सर्व पत्रकार संघाचे अध्यक्ष व सर्व सदस्य उपस्थित होते.
कार्यक्रमाचे संयोजन ज्येष्ठ पत्रकार काकासाहेब उर्फ जगन्नाथ काळे यांनी केले. सूत्रसंचालन सोमनाथ नाडे यांनी, प्रास्ताविक प्रेस फाउंडेशनचे संस्थापक अध्यक्ष अमीन खान यांनी, तर आभार रेखा भेगडे यांनी मानले.
युवतीच्या कष्टाला 'अर्थ'पूर्ण आशीर्वाद :
कर्तबगार आणि स्वाभिमानी महिला पत्रकार म्हणून एकाकी अपार कष्ट घेतलेल्या रेखा भेगडे या एकमेव युवतीच्या कष्टाला 'अर्थ'पूर्ण आशीर्वाद देताना ज्येष्ठ पत्रकार अमीन खान आणि उद्योजक रामदास काकडे यांनी मदतीचे धनादेश दिले. जिल्ह्यातील विविध पत्रकार संघटनांचे पदाधिकारी आणि मोठ्या संख्येने उपस्थित असलेल्या सर्वांनी यावेळी टाळ्यांच्या गजरात या सामाजिक बांधिलकीच्या अनोख्या प्रसंगाला दाद देत कौतुक केले.
डॉ.संदीप गाडेकर
संपादक
मो.8208185037
Comments
Post a Comment