सरस्वती विद्या मंदिर इंदोरी हळदी कुंकू समारंभ व पालक सभा उत्साहात संपन्न

 इंदोरी दि. 27 (प्रतिनिधी) सरस्वती शिक्षण संस्थेच्या सरस्वती विद्या मंदिर इंदोरी येथे मंगळवार दिनांक २१/०१/२०२५ रोजी दुपारी ३.३० वाजता पालक सभा व  हळदी कुंकू समारंभ उत्साहात साजरा झाला. 

        या कार्यक्रमासाठी अर्चनाताई अरुण पिंपळखरे प्रमुख पाहुण्या म्हणून उपस्थित होत्या. तसेच ग्रामपंचायत सदस्या व शाळा व्यवस्थापन समिती सदस्या सुरेखाताई शेवकर ,शाळा व्यवस्थापन समिती अध्यक्षा मनीषाताई ढोरे व बहुसंख्येने पालक उपस्थित होते.

       शाळेच्या आवारात रांगोळ्या काढल्या होत्या. तोरणे पताका लावून शाळा सजवण्यात आली होती. पाहुण्यांच्या हस्ते दीप प्रज्वलन सरस्वती पूजन करण्यात आले. पालकांनी आपल्या पाल्यांच्या प्रगती विषयी चर्चा केली.

     त्यानंतर प्रमुख पाहुण्यांनी मुलांशी संवाद कसा साधावा यावर महिलांना  समर्पक वाणीने मार्गदर्शन तथा उद्बोधन केले. यानंतर महिलांना हळदीकुंकू देण्यात आला. पसायदानानंतर चहापानाने कार्यक्रमाची सांगता झाली.

      या कार्यक्रमाचे सूत्रसंचालन ललिता कवडे बाईंनी तसेच प्रास्ताविक प्राथमिक विभागाचे मुख्याध्यापक नितीन शिंदे सर पाहुण्यांचा परिचय बालवाडी विभाग प्रमुख अनुराधा  बेळणेकर बाई व आभार चेतना शेवकर यांनी मानले. सर्व शिक्षक व शिक्षकेतर कर्मचारी यांच्या सहकार्याने कार्यक्रम उत्साहात पार पडला.

डॉ.संदीप गाडेकर 
संपादक
मो.8208185037

महाऑनलाइन न्यूज व्हाट्सअप ग्रुप जॉईन करण्यासाठी खालील लिंक वर क्लिक करा.

https://chat.whatsapp.com/LEEaZyLyEk39uCSMXirqay