श्री संत तुकाराम शिक्षण प्रसारक मंडळात प्रजासत्ताक दिन उत्साहात साजरा

 

वडगाव मावळ दि. 26 (प्रतिनिधी) वडगाव येथील श्री संत तुकाराम शिक्षण प्रसारक मंडळाच्या अध्यापक महाविद्यालय, हरकचंद रायचंद बाफना डीएड कॉलेज व कला वाणिज्य महाविद्यालयाच्या प्रांगणात 76 वा प्रजासत्ताक दिन उत्साहात साजरा करण्यात आला, संस्थेचे संस्थापक अध्यक्ष व महाराष्ट्र राज्याचे माजी मंत्री माननीय मदनजी बाफना यांच्या हस्ते ध्वजारोहण करण्यात आले. यावेळी संस्थेचे अध्यक्ष तुकारामजी असवले, उपाध्यक्ष बंडोबा मालपोटे, सचिव अशोक बाफना व सर्व संचालक मंडळ, वडगाव मावळ येथील सर्व प्रतिष्ठित, शैक्षणिक सामाजिक व राजकीय क्षेत्रातील मान्यवर, नागरिक, सर्व प्राचार्य प्राध्यापक व शिक्षकेतर कर्मचारी तसेच विद्यार्थी व पालक उपस्थित होते.

यावेळी विविध क्षेत्रात कार्य करणाऱ्या शिक्षक, नागरिक व विद्यार्थ्यांचा सन्मान करण्यात आला. प्रजासत्ताक दिनाचा 75 वा वर्धापन दिन असल्यामुळे विविध सांस्कृतिक व विविध गुणदर्शन कार्यक्रमांचे आयोजन करण्यात आले होते त्यास वडगावातील नागरिकांनी उत्स्फूर्त प्रतिसाद दर्शवला. यावेळी महाराष्ट्र राज्याचे माजी मंत्री संजय (बाळा) भेगडे, तहसीलदार विक्रम देशमुख, नायब तहसीलदार अमोल पाटील यांनी उपस्थित राहून विद्यार्थ्यांच्या कलागुणांचे कौतुक केले.

डॉ.संदीप गाडेकर 
संपादक
मो.8208185037

महाऑनलाइन न्यूज व्हाट्सअप ग्रुप जॉईन करण्यासाठी खालील लिंक वर क्लिक करा.

https://chat.whatsapp.com/LEEaZyLyEk39uCSMXirqay