Caring hands आम्बी यांच्या निसर्गरम्य प्रांगणात विविध स्पर्धाचे आयोजन

 

वडगाव मावळ दि. 8 (प्रतिनिधी) Caring hands आंबी ता मावळ या संस्थे मार्फत मावळ तालुक्यातील शाळेसाठी विध्यार्थ्यांच्या कलागुणांना वाव देण्यासाठी विविध स्पर्धांचे  आयोजन केले होते. यावेळी हरकचंद रायचंद बाफना डी एड कॉलेज वडगाव मावळच्या छात्र शिक्षकांनी मंगळवार दिनांक 7 जानेवारी 2025 रोजी आंबी येथील caring hands  सामाजिक संस्थेच्या नवव्या वर्धापन दिनानिमित्त घेण्यात आलेल्या विविध कला स्पर्धामध्ये सहभाग नोंदविला. या वेळी छात्र शिक्षकांनी विविध स्पर्धासाठी स्वयंसेवक व पंच म्हणून कार्य केले या बरोबरच तेथील वृद्धाश्रम, आश्रम शाळा, गोशाळा, कलाश्रमास भेट देऊन सविस्तर माहिती घेतली. यावेळी छात्र शिक्षकांनी हास्यकलाकार आणि सिनेअभिनेता समीर चौगुले यांच्याशी सुसंवाद साधला. 

तसेच आश्रमशाळेतील सर्व लहान विद्यार्थ्यांशी हितगुज केले. सदर संस्थेचे संस्थापक अध्यक्ष आकाश चव्हाण, संस्थेचे कार्यवाहक गोसावी सर व सी ई ओ गायकवाड मॅडम यांनी सर्वांचे स्वागत केले. डी एड कॉलेज चे प्राचार्य हिरामण लंघे, प्रा. राजेंद्र डोके , प्रा. मनोज गायकवाड, प्रा. शुभांगी हेंद्रे , प्रा. शीतल गवई ,सोमनाथ धोंगडे आणि नंदकिशोर मुंगेरा यावेळी उपस्थित होते. सर्व छात्र शिक्षकांचे संस्थेचे अध्यक्ष तुकाराम असवले व सचिव अशोकजी बाफना यांनी कौतुक केले.

डॉ.संदीप गाडेकर 
संपादक
मो.8208185037

महाऑनलाइन न्यूज व्हाट्सअप ग्रुप जॉईन करण्यासाठी खालील लिंक वर क्लिक करा.

https://chat.whatsapp.com/LEEaZyLyEk39uCSMXirqay