लायन्स संगणक कक्षाचा संत तुकाराम शिक्षण प्रसारक मंडळात उद्घाटन समारंभ संपन्न
वडगाव मावळ दि. १६ (प्रतिनिधी) श्री संत तुकाराम शिक्षण प्रसारक मंडळ वडगांव मावळ आणि लायन्स क्लब ऑफ वडगांव यांचे वतीने संयुक्तपणे लायन्स संगणक कक्ष सुरू करण्यात आला. लायन्स क्लब प्रांत ३२३४ डी २. चे प्रांतपाल एम जे एफ ला.राजेश अग्रवाल यांच्या शुभहस्ते हा समारंभ संपन्न झाला.
यावेळी श्री संत तुकाराम शिक्षण प्रसारक मंडळ वडगाव चे अध्यक्ष तुकाराम असवले, उपाध्यक्ष बंडोबा मालपोटे, सचिव अशोक बाफना, लायन्स क्लब ऑफ वडगांव चे अध्यक्ष प्रशांत गुजराणी , सभापती गुलाबराव म्हाळसकर, सचिव योगेश भंडारी, खजिनदार नंदकिशोर गाडे, प्रकल्प प्रमुख एम.जे.एफ सुनीत कदम , श्री संत तुकाराम शिक्षण प्रसारक मंडळाचे संचालक प्रल्हाद जांभुळकर, चंदूकाका ढोरे, राज खांडभोर, राजेश बाफना, लायन्स क्लब ऑफ वडगांव चे मा.अध्यक्ष अमोल मुथा , दिलीप मुथा , मा. नगरसेवक आनंद छाजेड, बाळासाहेब बोरावके , संजय भंडारी , आदिनाथ ढमाले, मा.नगरसेवक शंकरराव भोंडवे, वडगांव भाजयुमो अध्यक्ष आतिश ढोरे, उपाध्यक्ष कुलदीप ढोरे, ला.नूतन मुथा , रेखा भंडारी , माधवी बोरावके , लता गुजराणी, आदेश मुथा, वितराग मुथा आदी सर्व विभागांचे प्राचार्य, प्राध्यापक व शिक्षकेतर स्टाफ उपस्थित होते.
मा.नगरसेवक भूषण मुथा यांच्या प्रयत्नांतून लायन्स क्लब ऑफ वडगांव यांचे वतीने श्री संत तुकाराम शिक्षण प्रसारक मंडळाच्या संगणक प्रयोगशाळेत १५ ऑगस्ट रोजी स्वातंत्र्यदिनानिमित्त १० संगणक भेट देण्यात आले. प्रांतपाल राजेश अगरवाल यांनी नया सवेरा या समूळ अंधत्व निवारण मोहीम आणि धर्मपुत्र या गरजू ज्येष्ठ नागरिकांना अत्यावशक असलेल्या नवीन उपक्रमांची माहिती दिली.
संस्थेचे सचिव अशोक बाफना यांनी आपल्या प्रास्ताविकात मा.मंत्री आणि संस्थेचे संस्थापक अध्यक्ष मदन बाफना यांच्या मार्गदर्शनाखाली संपन्न होत असलेल्या महाविद्यालयाच्या विविध उपक्रमांची माहिती देत लायन्स संगणक कक्षा बाबत समाधान व्यक्त केले.
मा.सभापती गुलाबराव म्हाळसकर यांनी आपल्या मनोगतात भविष्यात देखील लायन्स क्लब ऑफ वडगांव अशाच प्रकारच्या सामाजिक उपक्रमांमध्ये अग्रेसर राहील अशी ग्वाही दिली.
मा.नगरसेवक भूषण मुथा यांनी संस्थापक अध्यक्ष ॲड दामोदर भंडारी यांच्या मार्गदर्शनाखाली संपन्न होत असलेले लायन्स क्लब ऑफ वडगांव यांचे विविध सेवाकार्य विषद केले. सूत्रसंचालन प्रा. राजेंद्र डोके यांनी आणि आभार प्रदर्शन डॉ.अनिता धायगुडे यांनी केले.
डॉ.संदीप गाडेकर
संपादक
मो.8208185037
Comments
Post a Comment