विद्यार्थ्यांना आता एकाच वेळी दोन पदवी घेता येणार - डॉ. व्ही. बी.गायकवाड

 

पुणे दि. 20 (प्रतिनिधी) ज्ञानगंगा घरोघरी या उद्देशाने प्रेरित झालेल्या विचारसरणीला पुढे घेऊन जाण्याकरिता विद्यार्थ्यांना आता एकाच वेळी दोन पदवी घेता येणार आहे. यशवंतराव चव्हाण महाराष्ट्र मुक्त विद्यापीठ अंतर्गत विद्यार्थी सेवा विभाग आयोजित कार्यशाळेत ते बोलत होते.

 

    खडकी शिक्षण संस्थेच्या टिकाराम जगन्नाथ महाविद्यालयांमध्ये पुणे विभागीय केंद्र तर्फे आज आयोजित एक दिवसीय कार्यशाळेमध्ये १५० कर्मचाऱ्यांनी नाव नोंदणी करून सहभाग नोंदविला. पुणे विभागीय संचालक असलेले श्री. गायकवाड पुढे म्हणाले विद्यार्थ्यांच्या समोर एकच पर्याय न ठेवता बहुपर्यायी भवितव्याच्या वाटा त्यांना मोकळ्या करून देणे हे कार्य मुक्त विद्यापीठांतर्गत केले जात आहे. 

याप्रसंगी  उपस्थित डावीकडून एम के सी एल चे डॉ. अविनाश देशमुख महाविद्यालयाच्या केंद्र संयोजक प्रा. मेहनाज कौसर , प्रा. श्वेता कापडी, व्ही. बी. गायकवाड, डॉ. संजय चाकणे, डॉ. प्रकाश देशमुख, अक्षय  गामणे यशवंतराव  चव्हाण आणि पुणे विभागीय केंद्राचे सर्व पदाधिकारी कर्मचारी उपस्थित होते.

    आपल्या मार्गदर्शनपर भाषणामध्ये संस्थेचे सहसचिव आणि महाविद्यालयाचे प्राचार्य डॉ. संजय चाकणे यांनी महाविद्यालयाला प्राप्त झालेल्या ऑटोनॉमस दर्जाची माहिती देत नवीन अभ्यासक्रमांचा खुलासा करीत कार्यरत व्यवस्थापनाचे कौतुक केले.

 

विद्यार्थी सेवा केंद्राचे संचालक डॉ.प्रकाश देशमुख यांनी यशवंतराव चव्हाण मुक्त विद्यापीठ  कार्यप्रणाली बाबत सविस्तर माहिती दिली.
कार्यक्रमाचे सूत्रसंचालन डॉ. निलेश काळे यांनी तर आभार प्रदर्शन प्रा. उत्तम जाधव यांनी मानले
कार्यक्रमाचे यशस्वी आयोजन केंद्र समन्वयक प्रा.मेहनाज कौसर यांचे नेतृत्वामध्ये  टिकाराम  जगन्नाथ महाविद्यालय नियुक्त समितीने केले.

डॉ.संदीप गाडेकर 
संपादक
मो.8208185037

महाऑनलाइन न्यूज व्हाट्सअप ग्रुप जॉईन करण्यासाठी खालील लिंक वर क्लिक करा.

https://chat.whatsapp.com/LEEaZyLyEk39uCSMXirqay