डॉ.पी. ए. इनामदार विद्यापीठाच्या एच.जी. एम.आझम कॉलेज ऑफ एज्युकेशन येथे कारगिल विजय दिवस साजरा

 

पुणे दि. २८ (प्रतिनिधी) येथील एम. सी. इ. सोसायटी, डॉ.पी. ए. इनामदार विद्यापीठाच्या एच.जी. एम.आझम कॉलेज ऑफ एज्युकेशन , आझम कॅम्पस येथे  दिनांक २६ जुलै २०२५ रोजी कारगिल विजय दिवस साजरा करण्यात आला. कारगिल युद्धामध्ये शहिद झालेल्या जवानांच्या बलिदानाचे स्मरण करून त्यांच्या गौरव गाथेला उजाळा देत महाविद्यालयात कार्यक्रमाचे आयोजन करण्यात आले होते. 

या प्रसंगी विशिष्ट सेवा पुरस्कार प्राप्त लेफ्टनंट कर्नल नम्रता राठोड या प्रमुख पाहुण्या म्ह्णून लाभल्या होत्या. त्यांच्या अतिशय उत्फुल्ल वाणीने विद्यार्थ्यांमध्ये  जोश, व देशप्रेमभावना जागृत झाली. त्यांनी बोलताना केवळ युद्धावर लढणे म्हणजे देशप्रेम नाही तर आपले कर्तव्य जबाबदारीने पार पाडणे, देशाला आपला अभिमान वाटेल असे सजग नागरिक बनणे हे देखील आपले कर्तव्य आहे असे सांगितले.  कार्यक्रमाचे औचित्य साधून पोस्टर स्पर्धेचे आयोजन महाविद्यालयात करण्यात आले होते यात पंचवीस पेक्षा अधिक  विद्यार्थ्यांनी सहभाग घेतला होता.

कारगिल विजय दिवसाची आठवण जपत शौर्य व बलिदान याला सलाम करत उत्साहाने राष्ट्रप्रेम, बलिदान,शौर्य, त्याग, यासारख्या विषयांवर विद्यार्थ्यांनी अतिशय कलात्मक, अर्थपूर्ण पोस्टर बनवले होते.डॉ. वृषाली रोकडे व डॉ. पूनम सोनवणे यांनी परीक्षक म्हणून या पोस्टर स्पर्धेचे परीक्षण  केले.  

तसेच काही विद्यार्थ्यांनी आपल्या गाण्यातून तर काहींनी आपल्या कवितेतून  मनोगत व्यक्त केले.महाविद्यालयाच्या अधिष्ठाता व विभागप्रमुख डॉ. अनिता बेलापूरकर  यांचे या कार्यक्रमास मार्गदर्शन लाभले. डॉ. प्रतिमा मिश्रा यांनी या कार्यक्रमाचे कार्य समन्वयक म्ह्णून काम पहिले तर प्रा. माधुरी यादव यंदाच्या जी.एम. सी. प्रमुख म्हणून आभार प्रदर्शन केले.

डॉ.संदीप गाडेकर 
संपादक
मो.8208185037

महाऑनलाइन न्यूज व्हाट्सअप ग्रुप जॉईन करण्यासाठी खालील लिंक वर क्लिक करा.

https://chat.whatsapp.com/LEEaZyLyEk39uCSMXirqay