राजवर्धन वाडा यांच्या वतीने शारदाश्रम शाळेतील विद्यार्थ्यांना आखाडा मेजवानी
फोटो : सोमाटणे येथील राजवर्धन वाडा येथे शारदाश्रामातील विद्यार्थ्यांना आखाडा मेजवानी देण्यात आली.
शिरगाव : दि.२३ (प्रतिनिधी) लहान मुले ही देवा घरची फुले… मुलांची सेवा ही ईश्वर सेवा या उक्तीची कास धरून व विद्यार्थ्यांच्या चेहऱ्यावरचा आनंद द्विगुणीत करण्यासाठी दत्तात्रय राक्षे यांच्या वतीने सोमाटणे येथील राजवर्धन वाडा येथे शिरगाव येथील शारदाश्रम प्राथमिक आश्रमशाळेतील निवासी विद्यार्थ्यांसाठी खास आखाडा मेजवानीचे आयोजन करण्यात आले.
आश्रमातील १३० विद्यार्थ्यांनी या मेजवानीचा आस्वाद घेतला व राजवाडा पद्धतीने निर्माण केलेल्या वाड्यामध्ये बसून जेवणाचा आनंद लुटला. या निमित्ताने क्षेत्रभेट घडवून आणली. राजवाड्यात ठेवण्यात आलेल्या पुरातन कालीन वस्तू, भांडी आदींची विद्यार्थ्यांनी पाहणी केली. गप्पा गोष्टी करत विद्यार्थ्यांनी गाणी गायली.
शाळेच्या वतीने मुख्याध्यापक विजय लोखंडे व रमेश फरताडे यांच्या हस्ते राजवर्धन वाडाचे मालक दत्तात्रय राक्षे यांचा सत्कार करण्यात आला.
यावेळी राजवर्धन वाडाचे मालक दत्तात्रय राक्षे, अक्षय मुऱ्हे, निखील गराडे, सानिका राक्षे, सार्थक राक्षे, शारदाश्रमचे मुख्याध्यापक विजय लोखंडे, माध्यमिकचे रमेश फरताडे आदी उपस्थित होते.
जेष्ठ शिक्षक मच्छिंद्र कापरे, हनुमान सुरनर, लालासाहेब डोले, संतोष चव्हाण, धनंजय नाईकवाडे, बापूसाहेब चौधरी, किरण धादवड, राधेशाम वारे, विष्णू सानप, बिरू खरात, पांडुरंग केकाण यासह शिक्षक व सेवक यांचे सहकार्य लाभले.
डॉ.संदीप गाडेकर
संपादक
मो.8208185037
Comments
Post a Comment