भारतरत्न डॉ. ए.पी.जे. अब्दुल कलाम राष्ट्रीय जीवन गौरव पुरस्कार प्राचार्य डॉ. बापूसाहेब गणपत चौगुले यांना प्रदान

पुणे दि. 27 (प्रतिनिधी) ए.डी. फाउंडेशन, महाराष्ट्र राज्य यांच्या वतीने भारतरत्न डॉ.ए.पी.जे. अब्दुल कलाम राष्ट्रीय जीवन गौरव पुरस्कार वितरण सोहळा ग.दि. माडगुळकर नाट्यगृह आकुर्डी पुणे येथे मोठ्या उत्साही वातावरणात संपन्न झाला.



सदर कार्यक्रमामध्ये श्री शिवाजी मराठा सोसायटी पुणे २ चे अध्यापक महाविद्यालयाचे प्राचार्य डॉ. बापूसाहेब गणपत चौगुले यांना भारतरत्न डॉ. ए.पी.जे. अब्दुल कलाम राष्ट्रीय जीवन गौरव पुरस्काराने सन्मानित करण्यात आले. डॉ. बापूसाहेब गणपत चौगुले हे गेली ३० वर्ष अध्यापक महाविद्यालयात अध्यापनाचे काम करीत आहेत. ते गेली १० वर्षापासून महाविद्यालयाचे प्राचार्य म्हणून कार्यरत आहेत. डॉ. बापूसाहेब गणपत चौगुले यांनी विविध शाळा महाविद्यालया मध्ये सामाजिक विषयावर व्याख्याने दिली आहेत. त्यांच्या मार्गदर्शनाखली ३ विद्यार्थी Ph.D व ९ विद्यार्थ्यांनी M.Phil पदवी संपादन केली आहे. त्यांची बी.एड., डी.एड. व एम.एड. अभ्यासक्रमावर आधारित ४ पुस्तके प्रकाशित झाली आहेत. विविध राष्ट्रीय व राज्य स्तरावरील चर्चासत्रे, कार्यशाळा मध्ये संशोधन पेपर सादर केले आहेत. त्यांचे आत्तापर्यंत ३५ संशोधन पेपर प्रकाशित झाले आहेत. त्यांनी पथनाटयांचे लेखन व दिग्दर्शन केले आहे. त्यांना आत्तापर्यंत जवळजवळ १७ आदर्श शिक्षक व ५ आदर्श प्राचार्य पुरस्कार मिळाले आहेत.


सदर कार्यक्रमास मा. श्री अनिल जाहीर, संस्थापक अध्यक्ष तनिष्का फाउंडेशन महाराष्ट्र राज्य ह. भ.प. तुकारामबाबा महाराज मठाधिपती संत बागडे बाबा आश्रम संख, मा. वैशाली मार्तंड चव्हाण, सहाय्यक आयुक्त पुणे महानगरपालिका, मा. श्री. राम मांडुरंके अतिरिक्त पोलिस आयुक्त पुणे तसेच ए.डी. फाउंडेशन अध्यक्ष मा. अशोक गोरड व त्यांचे सर्व सहकारी उपस्थित होते. त्यावेळी महाराष्ट्रातील शैक्षणिक, सामाजिक, राजकीय, सांस्कृतिक, अध्यात्मिक, कृषी, वैद्यकीय अशा क्षेत्रातील निवडक मान्यवरांचा मानपत्र, पदक व ट्रॉफी देवून सन्मानित करण्यात आले.



प्राचार्य डॉ. बापूसाहेब गणपत चौगुले यांच्या या सन्मानाबद्दल श्री शिवाजी मराठा सोसायटीचे सर्व मा. पदाधिकारी व इतर सदस्यांनी त्यांचे कौतुक व अभिनंदन केले. तसेच अध्यापक महाविद्यालयाच्या आजी व माजी प्राध्यापक, प्राध्यापकेतर कर्मचारी, विद्यार्थी या सर्वांनी अभिनंदन केले.

डॉ.संदीप गाडेकर 
संपादक
मो.8208185037

महाऑनलाइन न्यूज व्हाट्सअप ग्रुप जॉईन करण्यासाठी खालील लिंक वर क्लिक करा.

https://chat.whatsapp.com/LEEaZyLyEk39uCSMXirqay





Comments

Post a Comment

Popular posts from this blog

विद्यार्थ्यांना आता एकाच वेळी दोन पदवी घेता येणार - डॉ. व्ही. बी.गायकवाड

Image
  पुणे दि. 20 (प्रतिनिधी) ज्ञानगंगा घरोघरी या उद्देशाने प्रेरित झालेल्या विचारसरणीला पुढे घेऊन जाण्याकरिता विद्यार्थ्यांना आता एकाच वेळी दोन पदवी घेता येणार आहे. यशवंतराव चव्हाण महाराष्ट्र मुक्त विद्यापीठ अंतर्गत विद्यार्थी सेवा विभाग आयोजित कार्यशाळेत ते बोलत होते.       खडकी शिक्षण संस्थेच्या टिकाराम जगन्नाथ महाविद्यालयांमध्ये पुणे विभागीय केंद्र तर्फे आज आयोजित एक दिवसीय कार्यशाळेमध्ये १५० कर्मचाऱ्यांनी नाव नोंदणी करून सहभाग नोंदविला. पुणे विभागीय संचालक असलेले श्री. गायकवाड पुढे म्हणाले विद्यार्थ्यांच्या समोर एकच पर्याय न ठेवता बहुपर्यायी भवितव्याच्या वाटा त्यांना मोकळ्या करून देणे हे कार्य मुक्त विद्यापीठांतर्गत केले जात आहे.  याप्रसंगी  उपस्थित डावीकडून एम के सी एल चे डॉ. अविनाश देशमुख महाविद्यालयाच्या केंद्र संयोजक प्रा. मेहनाज कौसर , प्रा. श्वेता कापडी, व्ही. बी. गायकवाड, डॉ. संजय चाकणे, डॉ. प्रकाश देशमुख, अक्षय  गामणे यशवंतराव  चव्हाण आणि पुणे विभागीय केंद्राचे सर्व पदाधिकारी कर्मचारी उपस्थित होते.     आपल्या मार्गदर्शनपर भाषणाम...
Read more

अध्यापक महाविदयालयात माजी विदयार्थी मेळावा संपन्न

Image
  वडगाव मावळ दि. 11 (प्रतिनिधी) येथील श्री संत तुकाराम शिक्षण प्रसारक मंडळाचे अध्यापक महाविदयालय वडगाव मावळ मध्ये दि.११/६/२०२५ रोजी सकाळी ११ ते ४ या वेळेत माजी विदयार्थी मेळावा संपन्न झाला. यावेळी महाविदयालयातील बी. एड व एम. एड. चे प्रशिक्षण पुर्ण केलेले  सन 1990- 91 ते 2023- 24 या 34 वर्षातील महाराष्ट्रभरातून आलेल्या बहुसंख्य विद्यार्थ्यांनी या मेळाव्यास हजेरी लावली.  कार्यक्रमाच्या सुरुवातीला सर्व मान्यवरांच्या हस्ते दीप प्रज्वलन झाले. त्यानंतर सर्व पाहुणे व माजी विद्यार्थ्यांचे संघटनेतील पदाधिकाऱ्यांचा सन्मान करण्यात आला. महाविद्यालयाच्या प्राचार्य डॉ. अनिता धायगुडे यांनी कार्यक्रमाचे प्रास्ताविक केले. सहा. प्रा. महादेव सांगळे यांनी 34 वर्षातील महाविद्यालयाच्या प्रगतीचा अहवाल वाचन केला.  त्यानंतर माजी विद्यार्थ्यांनी आपल्या जुन्या आठवणींना उजाळा देवून नवीन विचारांची देवाण घेवाण केली. यामध्ये माजी विद्यार्थी संघटनेचे अध्यक्ष विलास पाटील, सदस्य उत्तम केंदळे, प्रवीणकुमार हुलावळे व बहुसंख्य माजी विद्यार्थ्यांनी आपले मनोगत व्यक्त करून महाविद्यालया बाबत कृतज्ञता व्यक्त ...
Read more

खडकीच्या टिकाराम जगन्नाथ ला स्वायत्त महाविद्यालयाचा दर्जा

Image
    पुणे दि. 10 (प्रतिनिधी) खडकी शिक्षण संस्थेच्या टिकाराम जगन्नाथ महाविद्यालयास नुकताच विद्यापीठ अनुदान आयोगाकडून आणि सावित्रीबाई फुले पुणे विद्यापीठा कडून पुढील दहा वर्षासाठी स्वायत्त महाविद्यालयाचा दर्जा बहाल करण्यात आला अशी माहिती संस्था अध्यक्ष कृष्णकुमार गोयल यांनी दिली.    खडकी शिक्षण संस्थेची स्थापना १९१३ साली झाली. त्यानंतर १९८३ साली तत्कालीन संस्था अध्यक्ष एडवोकेट एस के जैन व चिटणीस स्व. एडवोकेट चंद्रकांत जी छाजेड यांचे प्रयत्नाने टीकाराम जगन्नाथ वरिष्ठ महाविद्यालय सुरू झाले. कला, वाणिज्य व विज्ञान या शाखांमध्ये कार्यरत असलेल्या या महाविद्यालयाने माणिक महोत्सव साजरा केला असेही गोयल म्हणाले.    संस्थाध्यक्ष श्री.कृष्णकुमार गोयल यांचे मार्गदर्शनाखाली संस्थेच्या सर्व शाखांच्या विकासाबरोबरच वरिष्ठ महाविद्यालयाचा परिपूर्ण विकास करण्यात आलेला आहे. तसेच महाविद्यालय स्वायत्त झाल्याने या शैक्षणिक वर्षांमध्ये बीएससी डेटा सायन्स, बीएससी इंटेरियर डिझाईन, बीएससी सायबर सिक्युरिटी अँड डिजिटल फॉरेन्सिक, बीएससी आर्टिफिशियल इंटेलिजन्स अँड मशीन लर्निंग, बीएससी ...
Read more