Maha Online News

जुन्नर दि.२८ (प्रतिनिधी) विद्या विकास मंदिर राजुरी शाळेचे उपशिक्षक श्री. राजेंद्र दिगंबर गाडेकर यांना  महाराष्ट्र राज्य शिक्षक परिषद  ग्रामीण विभाग यांच्या वतीने  जिल्हा गुणवंत  शिक्षक पुरस्कार सन २०२४ जाहीर झाला आहे. या पुरस्काराचे वितरण रविवार दिनांक २९ सप्टेंबर रोजी विद्याधाम प्रशाला शिरूर येथे होणार आहे.  या कार्यक्रमासाठी खासदार डॉ. अमोल कोल्हे,  खासदार डॉ. निलेश लंके, आमदार अशोकबापू पवार, आमदार जयंत आसगावकर , आमदार भगवानराव साळुंखे उपस्थित राहणार आहेत. राजेंद्र गाडेकर सर विद्यार्थी प्रिय शिक्षक म्हणून परिचित आहेत. त्यांचे प्राथमिक शिक्षण लोणी हवेली ता.पारनेर येथे झाले असून दहावी बारावी व बी.एससी. पर्यंतचे शिक्षण पारनेर येथे झाले आहे. त्यानंतर त्यांनी डी.एड. तसेच एम. एस्सी. बी.एड. पर्यंत उच्च शिक्षण घेतले आहे.  इयत्ता ५ वी स्कॉलरशिप, नवोदय विद्यालय प्रवेश परीक्षा, मंथन परीक्षा  याबाबतीत ते मार्गदर्शन करतात. तंत्र स्नेही शिक्षक म्हणून त्यांची विद्यालयास मोठ्या प्रमाणावर मदत होत आहे. इयत्ता ५ वी प्रवेश प्रक्रिया, विद्यालयातील किल्ले बनवा स्पर्ध...

तळेगांव दाभाडे दि. 24 (प्रतिनिधी) स्वच्छ भारत मिशन टप्पा 2 अंतर्गत गड किल्ले संवर्धन व स्वच्छता तसेच युनोस्कोने नामांकन केलेल्या लोहगड किल्ल्याची स्वच्छता मोहीम या उपक्रमांतर्गत पंचायत समिती मावळ  शिक्षण विभाग यांच्यावतीने  फ्रेंड्स ग्रुप तळेगाव दाभाडे, मावळ शिक्षक प्रबोधन परिवार व हिरकणी शिक्षिका मैत्रीण ट्रेकिंग ग्रुप यांनी मंगळवार दिनांक 24 सप्टेंबर 2024 रोजी लोहगड गाव व किल्ला परिसर याची संपूर्ण स्वच्छता केली. सदर स्वच्छता मोहिमेचे नेतृत्व माननीय गटविकास अधिकारी सुधीर भागवत, माननीय गटशिक्षणाधिकारी सुदाम वाळुंज, शिक्षण विस्ताराधिकारी शोभा वहिले, केंद्रप्रमुख निर्मला काळे, सुनंदा दहीतुले, सुहास धस, सहदेव डोंबे, राजू भेगडे, मनोज भांगरे, संदीप कांबळे,तानाजी शिंदे, सुरेश पाटील, संतोष राणे, गोरक्ष जांभुळकर,शिवाजी जरग, स्मिता कांबळेआदी सुमारे 80 शिक्षकांनी केले.  युनेस्कोने नामांकन केलेल्या पुणे जिल्ह्यातील तीन किल्ल्यांपैकी लोहगड हा एक किल्ला आहे. तसेच अनेक पर्यटकांचे आकर्षण नाचा केंद्रबिंदू आहे. अभेद्य  तटबंदी असलेला आणि दैदीप्यमान इतिहास असलेला हा लोहगड किल्ला मावळ त...

पुणे दिनांक 24 (प्रतिनिधी) खडकी शिक्षण संस्थेतील केस्रो (KSRO )  ॲस्ट्रॉनॉमी  लॅबच्या उद्घाटन प्रसंगी ते बोलत होते.. विद्यार्थ्यांच्या उज्वल भविष्याच्या दृष्टीने या लॅबच्या माध्यमातून ज्ञानोपासना वाढीस लागणार असून सामाजिक उन्नतीच्या दृष्टीने उचललेले हे महत्त्वपूर्ण पाऊल ठरणार असल्याचे ते म्हणाले...नेहमीच्या  साचेबद्ध शिक्षण पद्धतीतून विद्यार्थ्यांचा वैज्ञानिक अभ्यासाकडे कल वाढवण्याचा हा विकसनशील प्रयोग असल्याचेही ते म्हणाले        या परिसरातील विद्यार्थ्यांना शिक्षणासाठी कसलीही अडचण येऊ नये यासाठी सर्व सुविधायुक्त शिक्षण खडकी शिक्षण संस्थेमध्ये दिले जाते. त्याच प्रमाणे  विद्यार्थ्यांच्या सर्वांगीण विकासाच्या दृष्टीने काळाची गरज ओळखून आवश्यक त्या शिक्षण पद्धती संस्थेमध्ये उपलब्ध करून देण्यात आल्याचे प्रतिपादन संस्थेचे अध्यक्ष कृष्णकुमार गोयल यांनी केले.  आपल्या मनोगतीय भाषणामध्ये हेंकेल इंडियाचे प्रोडक्शन मॅनेजर डॉ. प्रसाद खंडागळे, रिजनल मॅनेजर श्री. भूपेश सिंग, सी. एस. आर .श्री. रमित महाजन,संस्था सचिव श्री.आनंद छाजेड यांनी संस्थेमध्ये होत असल...

तळेगाव स्टेशन दिनांक 24 (प्रतिनिधी) इंद्रायणी विद्यामंदिर संस्थेच्या इंद्रायणी महाविद्यालयात हिंदी दिवस मोठ्या उत्साहात साजरा करण्यात आला. या प्रसंगी प्रमुख वक्ता म्हणून डॉ. विपिन पवार पूर्व निदेशक (राजभाषा) रेल मंत्रालय, भारत सरकार, नई दिल्ली चे उपस्थित होते. त्यांचे नाव साहित्यिक, पत्रकार आणि संपादक म्हणून सर्व देशाला माहित आहे. त्यांनी आपल्या अतिथी भाषणामध्ये राजभाषा हिंदी चे महत्व सांगितले. आज आंतरराष्ट्रीय स्तरावर हिंदीचे स्थान, महत्त्व, सन्मान खूप होत आहे. त्यामध्ये मॉरिशस, अमेरिका, श्रीलंका, फ्रान्स, नार्वे, टोकियो अशा 40 देशांमध्ये हिंदीच्या पाठशाला आहेत. पहिले विश्व हिंदी संमेलन नागपूर मध्ये भरले होते त्याची आठवण करून देऊन त्यामधील काही गोष्टी त्यांनी सांगितल्या. हिंदी शिकत असलेल्या विद्यार्थ्यांसाठी आज अनेक क्षेत्रांमध्ये नोकरीच्या संधी उपलब्ध आहेत हे त्यांनी आवर्जून सांगितले त्यामध्ये शिक्षक, लेखक, अनुवादक, हिंदी निदेशक, रेल्वे, बँक आणि इंटरनेटच्या क्षेत्रामध्ये नोकरीच्या संधी उपलब्ध आहेत व पगार ही समाधानकारक आहे हे आवर्जून सांगितले. शेवटी विद्यार्थ्यांनी त्यांना काही प्रश्न...

  तळेगाव दाभाडे दि. २४ (प्रतिनिधी) येथील इंद्रायणी महाविद्यालयातील विज्ञान विभाग व इंद्रायणी निसर्ग कट्टा यांच्या वतीने जागतिक ओझोन दिवस साजरा करण्यात आला. याप्रसंगी इंद्रायणी महाविद्यालयाचे प्राचार्य डॉ. संभाजी मलघे, विज्ञान विभागप्रमुख डॉ. रोहित नागलगाव, अर्थशास्त्र विभागप्रमुख प्रा. काशिनाथ अडसूळ, मराठी विभागप्रमुख डॉ. विजयकुमार खंदारे तसेच विज्ञान विभागातील विविध प्राध्यापक विद्यार्थी मोठ्या संख्येने उपस्थित होते.  याप्रसंगी विद्यार्थ्यांना मार्गदर्शन करताना प्राचार्य डॉ. मलघे म्हणाले की, प्रत्येक विद्यार्थ्याने आपल्या वाढदिवसाच्या दिवशी मित्रांसोबत केक कापून परदेशी संस्कृती आत्मसात न करता वृक्षारोपण करून वाढदिवस साजरा करत पर्यावरण संवर्धनाचा ध्यास घ्यावा. भांडवलशाहीचे विस्तारीकरण व बाजारपेठा म्हणून पुढे आलेला प्रत्येक देश यामुळे मोठ्या प्रमाणावर उद्योगधंदे वाढत असून हरित वायू उत्सर्जनाचे अनेक विपरीत परिणाम वातावरणावर होत आहेत. पृथ्वीवर माणूस म्हणून व्यवस्थित जगायचे असेल तर ओझोनचा थर सुव्यवस्थित राखणे तसेच निसर्गाचे संवर्धन करणे ही प्रत्येक पिढीची जबाबदारी ठरते आणि म्हणून ...

तळेगाव दाभाडे दि. २३ (प्रतिनिधी) मावळ तालुका माध्यमिक शिक्षक पतसंस्थेची वार्षिक सर्वसाधारण सभा तळेगाव दाभाडे येथील ॲड पु. वा. परांजपे विद्या मंदिर येथील सभागृहात संपन्न झाली यावेळी कार्यक्रमासाठी प्रमुख पाहुणे पुणे महानगर नियोजन समितीचे सदस्य व तळेगाव दाभाडे नगरपरिषदेचे माजी नगरसेवक संतोष भेगडे उपस्थित होते.  या कार्यक्रमासाठी पतसंस्थेचे संस्थापक विलास भेगडे, जेष्ठ सल्लागार भाऊसाहेब आगळमे, मुख्य प्रवर्तक धनंजय नांगरे,पतसंस्थेचे अध्यक्ष भारत काळे, उपाध्यक्ष अशोक कराड, कार्यकारी संचालक राम कदमबांडे, खजिनदार भाऊसाहेब खोसे यांच्यासह संचालक सोपान असवले, सुमन जाधव, दत्ता गायकवाड, विजय वरघडे, अमोल जाधव आदी उपस्थित होते यावेळी मान्यवरांच्या उपस्थितीत ज्या सभासदांनी अविरतपणे शैक्षणिक क्षेत्रात काम करत असताना मावळ तालुका माध्यमिक शिक्षक पतसंस्थेसाठी योगदान देऊन पतसंस्था वाढीसाठी व प्रगतीसाठी प्रयत्न केले आहेत निवृत्त सभासदांचा सन्मान  करण्यात आला.  मान्यवरांच्या उपस्थितीत सभासदांच्या पाल्यांनी विविध क्षेत्रात नैपुण्य प्राप्त करत यश संपादन केले त्यांचा सन्मान  करण्यात आला....

  तळेगाव दाभाडे दि.२२ (प्रतिनिधी) येथील मायमर मेडीकल कॉलेज व डॉ भाऊसाहेब सरदेसाई तळेगाव ग्रामीण रुग्णालयातील पदव्युत्तर निवासी डॉक्टरांना जर केंद्र व राज्यसरकारच्या नियमानुसार विद्यावेतानामध्ये वाढ न केल्यास कॉलेज प्रशासनाला निवासी डॉक्टरांनी २४ सप्टेंबर पासून काम बंद आंदोलनाचा इशारा दिला आहे. नॅशनल मेडिकल कमिशन (NMC) व राज्य सरकार यांनी वेळोवेळी निवासी डॉक्टरांच्या विद्यावेतानामध्ये वाढ केलेली आहे, परंतु मागील एक वर्षापासून कॉलेज प्रशासनाकडे वेळोवेळी पाठपुरावा करून देखील या सरकारच्या अधिनियमांची अंमलबजावणी झालेली नाही. निवासी डॉक्टरांच्या दैनंदिन व आर्थिक गरजा पूर्ण होण्यासाठी या निर्णयांची अंमलबजावणी होणे गरजेचे आहे. कॉलेज प्रशासनाला मागील ३ आठवड्यापासून आंदोलनाचा इशारा देऊनसुद्धा अजून सकारात्मक प्रतिसाद मिळालेला नाही. निवासी डॉक्टर मागील २ आठवडे रुग्णसेवा देत असताना काळी फीत लावून आंदोलन करत आहेत, जर २४ सप्टेंबरच्या आत विद्यावेतन वाढीबाबत निर्णय न झाल्यास निवासी डॉक्टर बेमुदत कामबंद आंदोलन सुरु करणार आहेत. या दरम्यान अत्यावश्यक सेवा फक्त चालू राहतील. या आंदोलनाला केंद्रीय महाराष...

  (डावीकडून ज्ञानेश्वर मुरकुटे, संजय चाकणे, मुरलिकांत पेटकर, राजेश पांडे, कृष्णकुमार गोयल) पुणे दिनांक 22 (प्रतिनिधी)विद्यार्थी दशे मध्ये असतानाच विद्यार्थ्यांना आपल्या राष्ट्रासाठी  युद्ध आणि देशवासीयांसाठी  होतात्म्य  पत्करलेल्या जवानांचा इतिहास वारंवार मनावर ठसविणे गरजेचे आहे... खडकी शिक्षण संस्थेच्या टिकाराम जगन्नाथ महाविद्यालयामध्ये आयोजित 'विकसित भारत युवा कनेक्ट 'अंतर्गत कार्यक्रमात ते बोलत होते...    युवकांनी क्रीडा प्रकारात सहभाग घेऊन ऑलम्पिक मध्ये आपल्या देशाचे नाव उज्वल करावे असे आवाहन त्यांनी यावेळी केले...    छात्रशक्ती ही राष्ट्राची संपत्ती असून देशाच्या सेवेसाठी विकासासाठी सर्वांनीच पुढाकार घेतला पाहिजे असे संस्थेचे अध्यक्ष कृष्णकुमार गोयल आपल्या भाषणात म्हणाले कार्यक्रमाचे प्रास्ताविक सहसचिव प्राचार्य संजय चाकणे यांनी केले. सूत्रसंचालन प्राध्यापक राजेंद्र लेले तर आभार प्रदर्शन संस्थेचे सचिव आनंद छाजेड यांनी मानले. या प्रसंगी राष्ट्रीय सेवा योजना अध्यक्ष राजेश पांडे ,संस्था संचालक अजय सूर्यवंशी, सुरजभान अगरवाल, काशिनाथ देवधर,धीरज गु...

 दूरदर्शनच्या सह्याद्री वाहिनीवरील हॅलो_सह्याद्री या कार्यक्रमामध्ये अवश्य पहा, खडकी शिक्षण संस्थेचे अध्यक्ष कृष्णकुमार गोयल यांची डॉ. संजय चाकणे यांनी घेतलेली मुलाखत निर्मिती सहाय्य - नारायण ढेबे निर्माते - विनायक मोरे निर्मिती - दूरदर्शन पुणे प्रक्षेपण - सोमवार, दि. 23 सप्टेंबर 2024 रोजी दुपारी 12 वाजता आणि पुन:प्रसारण रात्री 11 तसेच 24 सप्टेंबर रोजी मध्यरात्री 1:30, पहाटे 4:30 सकाळी 9 वाजता सह्याद्री वाहिनीवरून. #KrishanakumarGoyal #HelloSahyadri #DDSahyadri जाहिरात व बातमी संपर्क  डॉ.संदीप गाडेकर  संपादक  मो.8208185037

    (डावीकडून संजय चाकणे , राजेश पांडे, कृष्णकुमार गोयल, आनंद छाजेड, रक्षा खडसे, सपना छाजेड) खडकी दि.20 (प्रतिनिधी) - या राज्यातील तरुणांनी माय पोर्टल व्हारे विकसित भारत या अभियानात सामील व्हावे.आणि विकसित भारताचे स्वप्न साकारण्याकरता पुढे यावे आणि विकसित भारताचे ब्रँड अँबेसेडर व्हावे,असे आवाहन केंद्रीय क्रीडाडा राज्यमंत्री नामदार  रक्षाताई खडसे यांनी  केले.पुण्यातील खडकी मधील टिकाराम जगन्नाथ महाविद्यालयात विकसित भारत अँम्बेसेडर युवा कनेक्ट उपक्रमातंर्गत  कार्यक्रमाचे आयोजन करण्यात आले होते . यावेळी महाविद्यालयाच्या आवारात एक झाड आईच्या (एक पेड मां के नाम) या केंद्रशासन प्रणित  उपक्रमातंर्गत रक्षा खडसे यांचे हस्ते वृक्षारोपण करण्यात आले . तसेच त्यांनी महाविद्यालयातील तरुण यु ट्युबरर्सशी संवाद साधला .यावेळी संस्थेचे अध्यक्ष कृष्णकुमार गोयल आदि मान्यवर उपस्थित होते. यावेळी रक्षा खडसे यांनी ,उपस्थित तरुणांना पंतप्रधान नरेंद्र मोदी यांनी सुरु केलेल्या  भारत सरकारच्या विविध योजनांची माहिती दिली. विशेषत:  'माय भारत पोर्टल' विषयी माहिती देऊन यात सर्वांनी...